24 فكره إزاى تعملى أكله بسيطه بمبلغ 20 جنيه فقط , أفكار سهل وغير مكلفه ؟
تفتكرو نعمل ايه اكل بال20ج علي فكره ممكن فعلا نقضي بيها ونعمل غدوه تعالو نقدم اقتراحات
أقتراحات واختارى منها اللى يناسبك
24 أكلة .. ملف كامل لأكلات لذيذة للغذاء تحارب الغلاء.. جربها
- ممكن تعمل كشري اصفر رز ونص عدس اصفر ونص طماطم وجنيه جرجير
- نقلي بدنجان ونعمل مسقعه ولطاطس محمره
- نص كيلو كبده عصافير ومكرونه بالصلصه وبطاطس محمره كمان
- كشري اصفر بيض مسلوق بدنجان مخلل
- اعملي مكرونة وبطاطس محمرة وسلطة
- رز بشعريه وطبق سلطه وبطاطس مقليه وبالهنا
- اعملي تونه وبطاطس مكرونه وكبده سمك ورز
- بيض بالبسطرمة وبطاطس
- مكرونه بالوايت صوص بالمشروم
- بطاطس وبيض ومكرونه
- كبد وقوانص ومكرونه
- فول بالصلصه والفلفل والثوم. طبق بيض مقلي بطاطس مقليه خس وجرجير
- فو ل وطعميه ومسقعة وعيش
- كيلو سمك وارز وسلطة
طريقه عمل السمك المشوى فى البيت لخفض التكاليف نسبيا
السمك المشوي في البيت بعد التنضيف بجيب بصله وابشرها وثوم مدقوق وكسبره وملح وشويه سكر وجزر مبشور وطماطمايه وبقدونس وشويه زيت وحبه خل ولمونتين واسبهم شويه وبعدين اعصر الميا منهم واحط الخلطه في السمك وبعدين احط السمك في الرده وارص السمك في الصاج واحطه تحت الشوايه لحد ما يحمر ويستوي واقلبه علي الوش التاني وبعد ما يستوي اطفي واحط الميا اللي عصرتها فوق السمك واسبهم شويه وبالهنا ولومفيش جزر او طماطم مش مشكله
- سردين بلدي في صنيه وميه ميه والكيلو 12 و10
- نعمل شكشوكه وبطاطس محمرة
- ربع سجق ويتقطع حتت ويتحط ف الصلصه بتاعه المكرونه
- محشي وبطاطس محمره ومخلل
رأى تانى بيقول
عدس اوبصاره مكرونه وبدنجان او مسقعه اوكشرى اوكشرى بعدس اصفر احنا عندنا فى بلدنا فى الريف اللحوم يومين فى الاسبوع احد وخميس بالرغم ان عندهم خير ربنا كتير من الطيور علشان كده صحتهم قويه لانهم بيعتمدو على الخضار والجبن القريش فى اكلهم
كشرى وبتنجان ومخلل
- ممكن نطبخ كيس ملوخيه علي مرقه ورز ابيض وسلطه كمان
- كوسه وربع لحمه مفرومه ورز ابيض
- صينيه بطاطس ومش لازم لحمه خالص ورز بالشعريه ونعمل جنبه بدنجان مخلل
- قرنبيط و مخلل وطحينه وشيبسى
- بجنيه عيش نص كيلوعدس اصفر ولااحلى من كدا وبتنجان مخلل وهيفيض ومتنسوش البصل
نصيحه اخيره
المعده بيت الداء ومعظم الامراض تاتى عن طريق الفم والمعده
لو مشينا النظام الغذائى من تقليل الدهون وتقليل النشويات وكمان البروتين يعنى حاجة الجسم وبس هتكفى وتفيض
- اكله بسيطه باقل تكاليف
- اكلات بسيطة وسريعة لرمضان
- اكلات بسيطة للعشاء
- اكلات مصرية غير مكلفة بالصور
- اكلات بسيطة ولذيذة
- اكلات سريعة وغير مكلفة للعشاء
- طريقة عمل اكلات سريعة بالبطاطس
- طريقة عمل اكلة سهلة وسريعة وغير مكلفة بالصور
- اكلات مش مكلفه